AIS-PROF компаниясының терезе технологиялары
нарығындағы көшбасшылыққа жеткен жолы
Компания 2016 жылы ИП «Айс» атауымен құрылған. Алғашқыда ТМД елдерінен терезе және есік блоктарына арналған фурнитураны сатумен айналысты. Негізгі сату нарығы Қазақстанда болды, бірақ өнімдер оның шекарасынан тыс жерлерге де экспортталды. Негізгі өнімдердің бірі беларусьтік ЖШС «Катуш» тан алынған спейсерлер болды.
Аталған компанияның өнімінің сатылымына, жыл сайынғы табыстың артуы іскерлік қарым-қатынасымызды нығайтты. Нәтижесінде біз Қазақстанда спейсер өндірісін бірлесіп ашу туралы шешім қабылдадық. 2017 жылдың ақпан айында алғашқы өндірістік желілер мен жабдықтар алынды, Беларусь мамандары оларды орнату және іске қосу жұмыстарын жүргізді. Бұл ретте біздің қызметкерлер оқытылды, көп ұзамай толыққанды өндірістік қызмет басталды.
Спейсерлердің танымалдылығының артуы нарықтың кеңеюіне ықпал етті. Қазақстандағы табыс көршілес елдерге кеңеюге жол ашты, бұл бірлескен кәсіпорын – «Катуш-ЮГ» ЖШС құруға себепші болды.
Дегенмен, бизнесте жиі болатындай, бұл қуаныш көпке созылмады: жетекші шетелдік компаниялардың импортынымен болған бәсекелестік сату көлемінің төмендеуіне әкелді. Екі жылдан кейін беларусь серіктесі Қазақстандағы қызметін қысқарту туралы шешім қабылдады.
Қиындықтарға қарамастан, біздің команда амбициялық жоспарлардан бас тартпай, өндірісті жалғастыру, жабдықтарды сатып алу және басқаруды өз қолына алу туралы шешім қабылдады. Бұл қадам маңызды болды — соңғы жеті жыл ішінде AIS-PROF өз позициясын нығайтып, дистрибуция желісін ел ішінде және одан тыс жерлерде кеңейтті.
Бүгінде AIS-ПРОФ Қазақстан бойынша дамыған сату желісіне ие, сонымен қатар негізгі қалаларда — Астанада, Алматыда және Шымкентте қоймалары бар. Компания Өзбекстан, Тәжікстан және Қырғызстандағы серіктестерімен табысты ынтымақтастық орнатқан.
2024 жылы AIS-ПРОФ қытайлық жеткізушімен келісімге отырып, өз өндірістік қуаттарын жаңартуды бастады. Жабдықтың алғашқы бөлігі жақын арада іске қосылғалы тұр. Сонымен қатар екі жыл ішінде барлық өндірістік желілерді толық жаңарту жоспарлануда.
Қазіргі таңда АИС-ПРОФ компаниясы өз саласындағы жетекші ойыншы болып табылады және «АИС-ПРОФ — сенімді терезелердің негізі!» ұранымен өсіп, дамуын жалғастыруда.